Եղբայրական ծառայություն
Men's Ministry
Յուրաքանչյուր ամսվա երկրորդ չորեքշաբթի օրը մեր եկեղեցու եղբայրները հավաքվում են միասին՝ հաղորդակցության, հոգևոր աճի և միմյանց քաջալերելու համար։
Եղբայրական հանդիպումները բաց ու անկեղծ միջավայր են, որտեղ տղամարդիկ կիսվում են իրենց կյանքի պատմություններով, վկայություններով, հաջողություններով, դժվարություններով և տարիների ընթացքում ձեռք բերած փորձառությամբ։ Յուրաքանչյուր հանդիպման ընթացքում անդրադառնում ենք կարևոր ու արդիական թեմաների, քննարկում դրանք և Աստվածաշնչի օրինակներով բացահայտում, թե ինչ է նշանակում լինել ամուր հավատքով, պատասխանատու, նպատակասլաց և տեսիլք ունեցող տղամարդ՝ ընտանիքում, եկեղեցում և հասարակության մեջ։
Եվ, իհարկե, եղբայրական հանդիպումն առանց համեղ սեղանի ամբողջական չէր լինի։ Մեր եղբայրները ցուցադրում են նաև իրենց խոհարարական հմտությունները, և սիրո սեղանի շուրջ շարունակվում են ջերմ զրույցները, ծիծաղը և ընկերական հաղորդակցությունը։
Միացի՛ր մեզ։ Եկ միասին նորոգվելու, քաջալերվելու, քո փորձառությամբ ուրիշներին զորացնելու և մյուսների պատմություններից ու վկայություններից նոր դասեր քաղելու։
- Ուժեղ տղամարդիկ
- Ամուր հավատք
- Առողջ ընտանիքներ
- Նպատակային կյանք